السلام عليكم
اخباركم ؟
ليه كل ما اطل بوجه شخص القاه متضايق وحزين وسرحان
ليه حتى الاطفال صاروا مهمومين
السبب منا ولا .. ؟
بنرمي السبب على الوقت ... ؟
احنا تغيرنا او الزمن تغير .. ؟
الناس تغيرت ولا الظروف تغيرت .. ؟
ليه صارت صعبة الابتسامه .. ؟
وليه حتى لو ضحكنا ما تكون طالعه من قلب ... ؟
ليه ثوب الفرحه صار غالي .. ؟
ليه ما نقدر ننسى .. ؟
ليه صرنا اسيرين ذكريات .. ؟
ليه خلينا الظروف توقف تقدمنا .. ؟
ليه ناس ما عندها الا كلمة ( صعب ) ( مستحيل ) .. ؟
ليه حتى لو كانت ما توجد مشكلات نظل حزينين .. ؟
ليه اكثرنا اسير الاغاني الحزينه .. ؟
بوقف شوي عند نقطة الاغاني
حبايب ما لاحظتوا معاي ان الاغاني تعيشنا بوهم
ما اتكلم كذا انا لاحظت هالشيء بنفسي
يعني مثلا
نسمع اغنية عن الوحده واحنا الحمد لله الكل حولنا نحس اننا وحيدين وينقلب حالنا للضيقه ونحس اننا بجزيره لحالنا
مثلا اغاني الحب والرومنسيه
احنا ما نحب ولا غيره بس لما نسمعها نتأثر لابعد درجه اللي يشوفنا يقول حبيبه مات ولا تركه وراح لغيره
وهو ما في لا حبيب ولا غيره .. !!
المهم هالنقطه اعتبرها من اهم اسباب الهم والحزن
اوقات انقطع عن الاغاني حالي يتغير 180 درجه للاحسن طبعا
الله يهدينا
ارجع للموضوع
ليه ناس ما عندهم مبدأ النسيان .. ؟
ليه كثير منا حاط بباله ان الدنيا ظالمته .. ؟
ليه ( اليأس ) عنوانهم .. ؟
و ( الهم ) صاحبهم .. ؟
و ( التفاؤل ) عدوهم .. ؟
و ( الامل ) شيء مستحيل .. ؟
( الاحباط ) حالهم .. ؟
( التشائم ) رفيقهم .. ؟
( الموت ) امنيتهم .. ؟
حتى لو جات له فرصه للضحكه يفوتها بجملة ( انا مكتوب علي الشقاء طول عمري )
ليه هالافكار .. ؟
ليه هالقنوط من رحمة الله .. ؟
اعتبره سوء ظن بالله .. !!
ولا اللي يدخن او يشرب او غيره عشان ايش
عشان يعجل بموته .. ؟
ما تدري ان الله يعلم النيات .. ؟؟
وممكن يخليك تعمر مية سنه .. ؟؟
ليه قولة ( لو كان الانتحار حلال كان انتحرت من زمان ) .. ؟
ليه حالهم بس يندبون حظهم .. ؟
ابتسم فالإبتسامة تغلق أبواب الهم وتضيء مصابيح الفرح في حياتنا...
لا تقول ما اقدر .. ؟
ابرز قدراتك على مواجهة ظروف الحياة الصعبة ..
والظروف لا يقهرها شيء سوا الابتسامه
ابتسم في وجه المصيبه فأنت مؤمن والجزع ليس من صفاتك
كم حركت الابتسامه انفس بائسة
ليه نحرم انفسنا ؟؟؟
ابتسم فالامل ما زال موجودا
انسى قسوة الظروف
وحقق احلامك
وامضي بطريقك
الدنيا حلوه بس للي يفهمها
الابتسامه تبعث الامل
والدنيا بدون ابتسامه تصير كئيبه ...
اطالبكم بالابتسامه في حياتنا
ابتسم فأنت مسلم ..
لك عائله ..
لك منزل يضمك ..
لك اخوه واخوات ..
انت بصحة وعافيه ..
غيرك لا
تستطيع الكلام ..
غيرك لا
تستطيع السماع والرؤيه
غيرك لا
تستطيع المشي
غيرك لا
لك عقل
غيرك لا
اذا فالحمد لله على نعمه التي لا تعد ولا تحصى
لا نملك الشكوى الا له ..
لا احد سيسمعنا ويفهمنا الا هو ..
لا احد بيده سعادتنا الا هو ..
لا احد يفرح بتوبتنا الا هو ..
لا احد رحيم بنا اكثر منه ..
لا احد عطوف بنا اكثر منه ..
هو خلقنا وهو يعرف ما ينفعنا ..
مصائبنا الامنا احزاننا كلها بإذن الله تطهير لذنوبنا
او زيادة حسناتنا
او اختبار لصبرنا
فلننظر الى من حولنا سنرى العجب العجاب
فلننظر الى شعوب غيرنا
الى ناس حالهم اردى ما يكون ولكن الابتسامه والامل لا يفارقهم
وهذا ما يميزهم
عايشين حياتهم وعلى لسانهم الحمد لله على كل حال
واحنا بخير ونعمه وهذا حالنا .. !!
يأس .. قنوط .. جزع .. حزن ..
بنخليهم خلاص
وبنحط بدالهم
امل .. تفائل .. صبر .. بسمه
على امل انه يكون الغد افضل
والمستقبل اجمل
والحلم يتحقق
وبالاخير
لا يأس مع الحياة ولا حياة مع اليأس
اتمنى نغير حالنا
ونشغل عقلنا وتفكيرنا
ويكون العزيمه والاصرار شعارنا
هذي مجرد كلمات ملخبطه ببالي كتبتها
ما فيه تناسق بس اهم شيء المغزى من كلامي
والاهم تعطونه شوي اهتمام
وما تطلعون من موضوعي الا و راسمين البسمه على شفاتكم
اتمنى لكم دوام السعاده والمسرات
الجمعة نوفمبر 27, 2009 7:56 am من طرف الدنيا حلوه بس نفهمها *-*
