رحلت ومقصدي گله.. عشان انساگ
نسيتگ ؟ لآ حشى واللي خلق راسي [تناسيتگ]
تناسيتگ نعم لكن بقت في داخلي ذكراگ
بقى في داخلي [زولگ] بقى في داخلي بيتگ
ألا ياگيف أنا بآسلى ليالي غربتي واسلابگ
مدام اني ليا جيت لمرآية غرفتي [جيتگ ..]
أشوفگ في وسط عيني وأغمضها عشان امحاگ
واشووفگ داخل جفوني إذا غمّضت [ ضمّيتگ ] .. ..
[أضمّگ] واشتگي طيفگ على طيفگ بدون إدراگ
وانا في غربتي ليتگ تحس بحالتي ليتگ
ورى عوج الضلوع ألقى بقايا [ضحكآتگ] والقاگ
وأسافر لگ وانا حيّگ واسافر لك وانا ميت?
نقشت [أسمگ] على عرق الخفوق اللي فقد يمناگ
واذا مرّ النفس صدري تذكرتگ وحيّيتگ ...
شهور مرّت وانا [قلبي] يعيش بضيعته بحماگ
بدون أسباب لاتسأل ليا منّي تمنيتگ
أهذري بگ واغني بگ ( أنا اهواگ أنا أهواگ)
وأمرّك تايهٍ .. واذكرگ لامني تعديتگ
حبيبي طالبك تگفى سألتگ بالذي سواگ
وش اللي يمنع عيوني ليا جيتگ [وراعيتگ ؟]
تحاگمنا على الفرقى بدون اسباب يامقساگ
تخالفنا .. [تعدينا الحدود] .. ورحت خليتك ..
گذا مامن سبب يشرح [نهاية قصتي] وياك
تگبرت .. وتگبرت .. وتحديت .. وتحديتگ ..!!
تفارقنا ودمعات [القهر] تخشع على فرقاگ
وبلاي اني من دموع الوداع المرّ واسيتگ
حبيبي والفضا گله مسآحآت وسمآ وأفلاگ
يضيق وغيبتك قشرا .. [وانا جيتگ وناجيتگ]
مدام ان الغياب اللي يداعب [غربتي] فتاگ
أمانه لاتجاهلني .. وانا للوصل ناديتگ
صحيح اني تجاهلتگ وخليتگ عشان [انساگ]
ولگن والذي سوى عروقي .. بس تناسيتگ
تناسيتگ نعم لگن بقت في داخلي ذكراگ
بقى في داخلي [حبگ] .. بقى في داخلي بيتگ
..ممــآ رــآق لــي ..
الجمعة نوفمبر 27, 2009 7:56 am من طرف الدنيا حلوه بس نفهمها *-*
